ಫೆವಿಕಾಲ್ ನಿಂದ ಮತ್ತೆ ಯಕ್ಷಗಾನಕ್ಕೆ ಅವಮಾನ… ಅಕಾಡೆಮಿ ಎಚ್ಚೆತ್ತುಕೊಳ್ಳದ ಹೊರತು ಅದೇನೂ ಮಾಡಲಾಗದು..

ಬೆಂಗಳೂರು :  ಯಕ್ಷಗಾನ ಕರಾವಳಿ ಜನರ ನಂಬಿಕೆ ಹಾಗೂ ಸಂಸ್ಕೃತಿಯ ಪ್ರತೀಕ. ಈ ಕಲೆಯ ಬಗ್ಗೆ ಇಲ್ಲಿಯ ಜನತೆಗೆ ಶ್ರದ್ಧೆ ಇದೆ.

ಆದರೆ ಕೀಳುಮಟ್ಟದ ಜಾಹೀರಾತು ಮೂಲಕ ಫೆವಿಕಾಲ್ ಸಂಸ್ಥೆ ಜನರ ನಂಬಿಕೆಗೆ ಹಿಂದೊಮ್ಮೆ ಘಾಸಿಯನ್ನುಂಟು ಮಾಡಿತ್ತು. ಸಾಮಾಜಿಕ ಜಾಲತಾಣಗಳಲ್ಲಿ ಯಕ್ಷ ಪ್ರೇಮಿಗಳು ಆಕ್ರೋಶ ಹೊರ ಹಾಕಿದರೂ ಯಾವುದೇ ಪ್ರಯೋಜನವಾಗಲಿಲ್ಲ.

ಯಕ್ಷ ಪ್ರೇಮಿಗಳ ಆಕ್ರೋಶಕ್ಕೆ ಯಕ್ಷ ರಂಗದ ಹಿರಿಯರು ದನಿಗೂಡಿಸಿದ್ರೆ ಹೋರಾಟಕ್ಕೊಂದು ಶಕ್ತಿ ಬರುತ್ತಿತ್ತು. ಆದರೆ ಹತ್ತಾರು ಬಿರುದುಗಳನ್ನು ಹೊತ್ತ ಯಕ್ಷ ನಾಯಕರು ಮೌನಕ್ಕೆ ಶರಣಾಗಿದ್ದರು. ಹೀಗಾಗಿ ಆಕ್ರೋಶದ ದನಿ ಹಾಗೇ ಕ್ಷೀಣವಾಯ್ತು.

ಇದೀಗ ಮತ್ತೊಂದು ವಿಡಿಯೋ ಬಿಡುಗಡೆಯಾಗಿದೆ. ಅದರಲ್ಲಿ ಫೆವಿಕಾಲ್ ಸಂಸ್ಥೆಯ ಉತ್ಫನ್ನಗಳನ್ನು ಪ್ರೊಮೋಟ್ ಮಾಡಲಾಗಿದೆ. ಅದರಲ್ಲೂ ಮತ್ತೆ ಯಕ್ಷಗಾನವನ್ನೇ ಬಳಸಲಾಗಿದೆ. ಕಳೆದ ಬಾರಿಯ ಅವಮಾನಕ್ಕೆ ಹೋಲಿಸಿದರೆ ಈ ಬಾರಿ ಒಂದು ಹೆಜ್ಜೆ ಮುಂದಕ್ಕೆ ಹೋಗಲಾಗಿದೆ.

ಕಳೆದ ಬಾರಿ ಯಕ್ಷಗಾನ ಅಕಾಡೆಮಿ ಅಧ್ಯಕ್ಷರು ಫೆವಿಕಾಲ್ ಕಂಪನಿ ಪರವಾಗಿ ನಿಂತಿದ್ದರು. ಈ ಬಾರಿ ಅದೇನು ಹೇಳುತ್ತಾರೋ ಗೊತ್ತಿಲ್ಲ. ಈ ಬಾರಿಯೂ ದನಿ ಎತ್ತಿಲ್ಲವಾದರೆ ಯಕ್ಷಗಾನಕ್ಕಿರುವ ಗೌರವವನ್ನು ಫೆವಿಕಾಲ್ ಕಂಪನಿ ಹರಾಜು ಹಾಕುವುದರಲ್ಲಿ ಸಂಶಯವಿಲ್ಲ.