ಹೈಟೆಕ್ ವೇಶ್ಯಾವಾಟಿಕೆ ದಂಧೆಯಲ್ಲಿ ಟಿಕ್ ಟಾಕ್ ಸ್ಟಾರ್ – ಪೊಲೀಸರನ್ನು ಯಾಮಾರಿಸಿದ್ದು ಹೇಗೆ ಗೊತ್ತಾ..?

ಮೈಸೂರು : ಅರಮನೆ ನಗರಿಯಲ್ಲಿ ನಡೆಯುತ್ತಿದ್ದ ಹೈಟೆಕ್ ವೇಶ್ಯಾವಾಟಿಕೆ ದಂಧೆಯನ್ನು ಪೊಲೀಸರು ಬಯಲು ಮಾಡಿದ್ದಾರೆ.

ದುರಂತ ಅಂದ್ರೆ ಈ ದಂಧೆಯ ಕಿಂಗ್ ಪಿನ್ ಒಬ್ಬಳು ಟಿಕ್ ಟಾಕ್ ಸ್ಟಾರ್.

ಅರಮನೆ ನಗರಿಯಲ್ಲಿ ಮಾಂಸದಂಧೆ ನಡೆಯುತ್ತಿದೆ ಅನ್ನುವ ವಾಸನೆ ಸಿಸಿಬಿ ಪೊಲೀಸರಿಗೆ ಸಿಕ್ಕಿತ್ತು. ಹೀಗಾಗಿ  ವ್ಯವಹಾರ ನಡೆಸುತ್ತಿದ್ದ ಕಟ್ಟಡಕ್ಕೆ ದಾಳಿ ಮಾಡಿದ್ದಾರೆ. ಈ ವೇಳೆ ದಂಧೆಯಲ್ಲಿದ್ದ ಓರ್ವ ಮಹಿಳೆ ಹಾಗೂ ವ್ಯಕ್ತಿಯೊಬ್ಬನನ್ನು ಬಂಧಿಸಿದ್ದಾರೆ.

ಬಂಧಿತರನ್ನು ಸುಮಾ ಹಾಗೂ ಸಿದ್ದರಾಜು ಎಂದು ಗುರುತಿಸಲಾಗಿದೆ.ಸುಮಾ ಪೊಲೀಸರಿಗೆ ಸಿಕ್ಕಿ ಬೀಳುತ್ತಿದ್ದಂತೆ, ಖಾಕಿಗೆ ಯಾಮಾರಿಸಳು ಮುಂದಾದ ಈಕೆ ನಾನು ಸಂತ್ರಸ್ಥೆ ಬಲವಂತದಿಂದ ನನ್ನ ಈ ಜಾಲಕ್ಕೆ ತಳ್ಳಿದ್ದಾರೆ ಅಂದಿದ್ದಳು.

ಪೊಲೀಸರು ಕೂಡಾ ಈಕೆಯ ಸ್ಟೋರಿಯನ್ನು ನಂಬುವವರಿದ್ದರು. ಆದರೆ ಅದ್ಯಾಕೋ ಅನುಮಾನ ಬಂದು ವಿಚಾರಣೆ ನಡೆಸಿದ್ರೆ ಈಕೆ ಟಿಕ್ ಟಾಕ್ ಸ್ಟಾರ್ ಅನ್ನೋದು ಗೊತ್ತಾಗಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿದ್ದ ಈಕೆ, ಈ ಮೂಲಕವೇ ಯುವಕರನ್ನು ದಂಧೆಗೆ ಸೆಳೆಯುತ್ತಿದ್ದಳು.