ಸಿಲ್ಲಿ ಕಾರಣಕ್ಕಾಗಿ ಭೀಕರವಾಗಿ ಆತ್ಮಹತ್ಯೆ ಮಾಡಿಕೊಂಡ ಅಮೆಜಾನ್ ಉದ್ಯೋಗಿ

ಬೆಂಗಳೂರು : ಕೆಲವೊಮ್ಮೆ ಕೆಲವರಿಗೆ ಆತ್ಮಹತ್ಯೆಗೆ ಕಾರಣಗಳೇ ಬೇಕಿರುವುದಿಲ್ಲ. ಸಿಲ್ಲಿ ಕಾರಣಗಳಿಗಾಗಿ ಉಸಿರು ಚೆಲ್ಲಿದ ಅನೇಕ ಘಟನೆಗಳು ನಮ್ಮ ಸುತ್ತ ಮುತ್ತ ನಡೆದಿದೆ.

ಕಾರಣವಿಲ್ಲದೆ ನಡೆದ ಆತ್ಮಹತ್ಯೆಗಳಿಗೆ ಕಾರಣ ಹುಡುಕಿದರೆ ಖಂಡಿತಾ ಕಾರಣ ಸಿಗುತ್ತದೆ. ಇಂತಹ ಸಂದರ್ಭದಲ್ಲಿ ಸಿಗುವುದು ಒಂಟಿತನ ಅನ್ನುವ ಕಾರಣ.

ಹೀಗೆ ಮನೆಯವರು ಕೇರ್ ಮಾಡುತ್ತಿಲ್ಲ ಅನ್ನೋ ಭಾವನೆ ಹಿನ್ನಲೆಯಲ್ಲಿ ಅಮೆಜಾನ್ ಉದ್ಯೋಗಿಯೊಬ್ಬ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಆತ ಆತ್ಮಹತ್ಯೆ ಮಾಡಿಕೊಂಡ ರೀತಿ ಮಾತ್ರ ಭೀಕರವಾಗಿದೆ.

ಅಮೆಜಾನ್ ಕಂಪನಿಯಲ್ಲಿ ಟೀಮ್ ಲೀಡರ್ ಆಗಿದ್ದ ಜೀವನ್ ಅಂಬಾಟೆ ಬೀದರ್ ಮೂಲದವನು.

ಮಹಾದೇವಪುರದಲ್ಲಿ ವಾಸವಾಗಿದ್ದ ಈತ ಮನೆಯವರು ನನ್ನ ಕೇರ್ ಮಾಡುತ್ತಿಲ್ಲ ಅನ್ನುವ ಭಾವನೆಗೆ ಒಳಗಾಗಿದ್ದ.

ಹೀಗೆ ಕೊರಗುತ್ತಿದ್ದ ಜೀವನ್ ಆತ್ಮಹತ್ಯೆಗೆ ನಿರ್ಧರಿಸಿ, ಸಾಯೋದು ಹೇಗೆ ಎಂದು ಯೂಟ್ಯೂಬ್ ನಲ್ಲಿ ಸರ್ಚ್ ಮಾಡಿದ್ದಾನೆ. ಈ ವೇಳೆ ಮೊನಾಕ್ಸೈಡ್ ಮಾರ್ಗ ತೋರಿಸಿದೆ.

ಮುಖಕ್ಕೆ ಮಾಸ್ಕ್ ಹಾಕಿ ಮೂಗಿನ ಮೂಲಕ ಗ್ಯಾಸ್ ಅನ್ನು ದೇಹಕ್ಕೆ ಸೇರಿಸಿದ್ದಾನೆ.

ಇನ್ನು ಈ ಮೊನಾಕ್ಸೈಡ್ ಗ್ಯಾಸ್ ಅಪಾಯವನ್ನು ಅರಿತಿದ್ದ ಜೀವನ್, ಮುನ್ನೆಚ್ಚರಿಕೆಯಾಗಿ ಮನೆ ಹೊರಗಡೆ ಚೀಟಿ ಬೇರೆ ಅಂಟಿಸಿದ್ದ.

ಅದರಲ್ಲಿ ಮನೆ ಬಾಗಿಲು ತೆರೆದ ಕೂಡಲೇ ಲೈಟ್ಸ್ ಆನ್ ಮಾಡಬೇಡಿ, ಕಿಟಕಿಗಳನ್ನು ಮೊದಲು ತೆರೆಯಿರಿ ಎಂದು ಬರೆದಿದ್ದ.

ಯಾವಾಗ ಮೂರು ದಿನ ಕಳೆದರೂ ಜೀವನ್ ಸ್ನೇಹಿತರ ಸಂಪರ್ಕಕ್ಕೆ ಸಿಗಲಿಲ್ಲವೋ ಅನುಮಾನಗೊಂಡ ಗೆಳೆಯರು ಮನೆ ಬಳಿ ಬಂದಾಗ ಭೀಕರ ಆತ್ಮಹತ್ಯೆ ಬೆಳಕಿಗೆ ಬಂದಿದೆ.

ಶವದ ಜೊತೆಗೆ ಡೆತ್ ನೋಟ್ ಸಿಕ್ಕಿದ್ದು, ಅದರಲ್ಲಿ ಲೈಫ್ ಸೂಪರ್ ಆಗಿರಬೇಕು ಎಂದು ಬೀದರ್ ನಿಂದ ಬೆಂಗಳೂರಿಗೆ ಬಂದೆ, ಆದರೆ ನಾನು ಅಂದುಕೊಂಡ ಹಾಗೇ ಇಲ್ಲಿ ಏನೂ ನಡೆಯುತ್ತಿಲ್ಲ. ಲೈಫು ಬೋರ್ ಆಗಿದೆ. ಮನೆಯವರು ನನಗೆ ಫೋನ್ ಮಾಡುತ್ತಿಲ್ಲ, ನನ್ನ ಬಗ್ಗೆ ಕೇರ್ ಮಾಡುತ್ತಿಲ್ಲ ಎಂದು ಅಳಲು ತೋಡಿಕೊಂಡಿದ್ದಾನೆ.