ನವದೆಹಲಿ : ಕೊರೋನಾ ಚೀನಾ ವೈರಸ್ ಎಂದು ಜಗತ್ತಿನ ಅನೇಕ ರಾಷ್ಟ್ರಗಳು ಸಾರಿ ಸಾರಿ ಹೇಳುತ್ತಿವೆ. ಆದರೆ ವಿಶ್ವ ಆರೋಗ್ಯ ಸಂಸ್ಥೆ ಮಾತ್ರ ಇದನ್ನು ಒಪ್ಪಿಕೊಳ್ಳಲು ಸಿದ್ದವಿಲ್ಲ. ಈ ನಡುವೆ ಸೋಂಕಿನ ಮೂಲದ ಶೋಧನೆಗೆ ಹೊರಟಿರುವ ಅಮೆರಿಕಾ ತನಿಖೆಗೂ ಆದೇಶಿಸಿದೆ.
ಅಮೆರಿಕಾದ ತನಿಖೆ ಪ್ರಾರಂಭಗೊಳ್ಳುವ ಮುನ್ನವೇ ಇದೀಗ ಕೊರೋನಾ ಸೋಂಕು ಹುಟ್ಟಿರೋದು ಚೀನಾದ ವುಹಾನ್ ಲ್ಯಾಬ್ ನಲ್ಲೇ ಇದಕ್ಕೆ ಅನುಮಾನ ಬೇಡ ಎಂದು ಬ್ರಿಟನ್ ಹಾಗೂ ನಾರ್ವೇಯ ತಜ್ಞರು ಹೇಳಿದ್ದಾರೆ.
ಬ್ರಿಟನ್ ನ ಆಂಗಸ್ ಡಾಲ್ಜೆಲಿಶ್ ಮತ್ತು ನಾರ್ವೆಯ ಡಾ. ಬಿರ್ಗೇರ್ ಸೊರೇನ್ ಸೇನ್ ಈ ಸ್ಫೋಟಕ ಮಾಹಿತಿಯನ್ನು ಬಹಿರಂಗಪಡಿಸಿದ್ದು, ಚೀನಾದ ಗುಹೆಗಳಲ್ಲಿ ಸಿಗುವ ಬಾವಲಿಗಳಿಂದ ಅಪಾಯಕಾರಿಯಲ್ಲದ ಕೊರೋನಾ ವೈರಸ್ ಅನ್ನು ಪ್ರಯೋಗಲಾಯದಲ್ಲಿ ಸಂಗ್ರಹಿಸಿದ್ದರು. ಬಳಿಕ ಗೇನ್ ಆಫ್ ಫಂಕ್ಷನ್ ಯೋಜನೆ ಮೂಲಕ ಕೃತಕ ಮಾರಕ ಅಂಶಗಳನ್ನು ಸೇರಿಸಿ ಅದನ್ನು ಸಾಂಕ್ರಾಮಿಕ ರೋಗದ ವೈರಸ್ ಆಗಿ ಪರಿವರ್ತಿಸಲಾಯ್ತು ಅಂದಿದ್ದಾರೆ.
ಅಚ್ಚರಿ ಅಂದ್ರೆ ಈ ಸಂಶೋಧನೆಯಲ್ಲಿ ಚೀನಾದ ವಿಜ್ಞಾನಿಗಳ ಜೊತೆಗೆ ಅಮೆರಿಕಾ ಕೆಲ ವಿಜ್ಞಾನಿಗಳು ಕೂಡಾ ಕೈ ಜೋಡಿಸಿದ್ದರಂತೆ. ಆದರೆ ಗೇನ್ ಆಫ್ ಫಂಕ್ಷನ್ ಯೋಜನೆಗೆ ಆಗಿನ ಅಮೆರಿಕಾದ ಅಧ್ಯಕ್ಷ ಬರಾಕ್ ಒಬಾಮ ತಡೆಯೊಡ್ಡಿದ್ದರು. ಹೀಗಾಗಿ ಒಂದಿಷ್ಟು ವರ್ಷ ನಿಂತು ಹೋಗಿದ್ದ ವೈರಸ್ ಕೆಲಸ ಮತ್ತೆ ಪ್ರಾರಂಭವಾಗಿ, ಅದು ಸೋರಿಕೆಯಾಗಿ ಇಡೀ ವಿಶ್ವವನ್ನೇ ಕಂಗಾಲು ಮಾಡಿದೆ.
ಹಾಗಾದ್ರೆ ಅವತ್ತು ಟ್ರಂಪ್ ಇದೊಂದು ಚೈನಾ ವೈರಸ್ ಎಂದು ಹೇಳಿರುವುದರಲ್ಲಿ ತಪ್ಪೇನಿದೆ.
Discussion about this post