ನವದೆಹಲಿ : ಕೊರೋನಾ ಸೋಂಕಿನ ವಿಚಾರದಲ್ಲಿ ಚೀನಾ ಕಳ್ಳಾಟವಾಡುತ್ತಿದೆ ಅನ್ನುವುದು ಈಗಾಗಲೇ ಸಾಬೀತಾಗಿದೆ. ಆದರೆ ಇದೀಗ ವಿಶ್ವ ಆರೋಗ್ಯ ಸಂಸ್ಥೆ ಚೀನಾದ ಕಳ್ಳಾಟದಲ್ಲಿ ಪಾತ್ರಧಾರಿಯೇ ಅನ್ನುವ ಅನುಮಾನ ಶುರುವಾಗಿದೆ.
ಇಡೀ ವಿಶ್ವ ಕೊರೋನಾ ಸೋಂಕು ಹುಟ್ಟು ಹಾಕಿದ್ದೇ ಚೀನಾ, ಈ ವೈರಸ್ ಚೀನಾ ಸೃಷ್ಟಿ ಎಂದು ವಾದಿಸುತ್ತಿದೆ. ಅದಕ್ಕೆ ಪೂರಕ ಸಾಕ್ಷಿಯನ್ನು ಕೂಡಾ ಕೊಟ್ಟಿದೆ. ಆದರೆ ವಿಶ್ವ ಆರೋಗ್ಯ ಸಂಸ್ಥೆ ಈ ವಿಚಾರದಲ್ಲಿ ಚೀನಾ ತಪ್ಪು ಮಾಡಿಲ್ಲ ಎಂದು ಪ್ರಮಾಣ ಪತ್ರವನ್ನೇ ಕೊಟ್ಟಿದೆ. ಕೊರೋನಾ ಸೋಂಕಿನ ಮೂಲ ಚೀನಾವಲ್ಲ, ಚೀನಾದ ವುಹಾನ್ ಲ್ಯಾಬ್ ನಿಂದ ವೈರಸ್ ಸೋರಿಕೆಯಾಗಿಲ್ಲ. ಲ್ಯಾಬ್ ಗೆ ಬಾವಲಿ ತಂದು ಪ್ರಯೋಗ ನಡೆಸಲಾಗಿಲ್ಲ ಎಂದು ಹೇಳಿದ್ದ WHO ಚೀನಾಗೆ ಕ್ಲೀನ್ ಚಿಟ್ ಕೊಟ್ಟಿತ್ತು.
ಆದರೆ ಇದಾದ ಬಳಿಕ ವಿಶ್ವದ ಅನೇಕ ಸಂಶೋಧಕರು ವುಹಾನ್ ಲ್ಯಾಬ್ ನಿಂದಲೇ ಸೋಂಕು ಸೋರಿಕೆಯಾಗಿದೆ ಅನ್ನುವುದನ್ನು ಪುಷ್ಟೀಕರಿಸುವ ಸಾಕ್ಷಿ ಕೊಟ್ಟರು. ಆದರೆ ಚೀನಾ ತನ್ನ ಒಡಹುಟ್ಟಿದ ಸಹೋದರ ಅನ್ನುವಂತೆ ವರ್ತಿಸಿತು WHO.
ಇದೀಗ ವುಹಾನ್ ಲ್ಯಾಬ್ ನಲ್ಲಿ ಬಾವಲಿಗಳಿತ್ತು ಅನ್ನುವುದಕ್ಕೆ ಅಸ್ಟ್ರೇಲಿಯಾದ ಸ್ರೈ ನ್ಯೂಸ್ ಸಾಕ್ಷಿ ಕೊಟ್ಟಿದೆ. 2017ರಲ್ಲಿ ಚೀನಾದಲ್ಲಿ ಪ್ರಯೋಗಾಲಯದ ಉದ್ಘಾಟನೆ ನಡೆದಿತ್ತು. ಆ ವಿಡಿಯೋ ಇದೀಗ ಸ್ಕೈ ನ್ಯೂಸ್ ಗೆ ಸಿಕ್ಕಿದೆ. ಅದರಲ್ಲಿ ಬಾವಲಿಗಳನ್ನು ಪಂಜರದಲ್ಲಿ ಇಟ್ಟಿರುವ ಹಾಗೂ ಅವುಗಳಿಗೆ ಸ್ವತಹ ವಿಜ್ಞಾನಿಗಳೇ ಆಹಾರ ನೀಡುವ ದೃಶ್ಯಗಳಿವೆ.
ಅಲ್ಲಿಗೆ ಕೊರೋನಾ ವೈರಸ್ ತವರು ಮನೆ ಚೀನಾ ಅನ್ನುವುದಕ್ಕೆ ಮತ್ತೊಂದು ಸಾಕ್ಷಿ ಸಿಕ್ಕಿದೆ. ಅಷ್ಟೇ ಅಲ್ಲದೆ ವಿಶ್ವ ಆರೋಗ್ಯ ಸಂಸ್ಥೆಯ ಮುಖವಾಡ ಕೂಡಾ ಕಳಚಿ ಬಿದ್ದಿದೆ.
Discussion about this post