ಕಾಲು ಮುರಿಯುವ ಬೆದರಿಕೆ : ಬಾಲಿವುಡ್ ನಟಿ ಬಂಧನ

ಬೆದರಿಕೆ ಹಾಕಿದ ಪ್ರಕರಣಕ್ಕೆ ಸಂಬಂಧಿಸಿ ಬಾಲಿವುಡ್​ ನಟಿ ಪಾಯಲ್​ ರೋಹಟ್ಗಿಯನ್ನು ಗುಜರಾತ್ ಪೊಲೀಸರು ಬಂಧಿಸಿದ್ದಾರೆ.

ವೈದ್ಯರಾಗಿರುವ ಪರಾಗ್​ ಶಾ ಅನ್ನುವವರು ಅಹ್ಮದಾಬಾದ್​ ಪೊಲೀಸ್​ ಠಾಣೆಯಲ್ಲಿ ಪಾಯಲ್​ ವಿರುದ್ಧ ದೂರು ದಾಖಲಿಸಿದ್ದರು. ಅಹ್ಮದಾಬಾದ್​ನ ಹೌಸಿಂಗ್​ ಸೊಸೈಟಿಯೊಂದರಲ್ಲಿ ಪರಾಗ್​ ಸದಸ್ಯರಾಗಿದ್ದು ಇದೇ ಸೊಸೈಟಿಯಲ್ಲಿ ಪಾಯವ್ ಕೂಡಾ ಸದಸ್ಯೆ. ಅದ್ಯಾವುದೋ ಕಾರಣಕ್ಕೆ ಸೊಸೈಟಿಯ ವಾಟ್ಸಾಪ್​ ಗ್ರೂಪ್​ನಲ್ಲಿ ಪರಾಗ್​ ಹಾಗೂ ಆ ಸೊಸೈಟಿಯ ಮುಖ್ಯಸ್ಥರ ವಿರುದ್ಧ ಪಾಯಲ್ ಕೆಟ್ಟ ಶಬ್ದ ಬಳಕೆ ಮಾಡಿದ್ದರು. ಮಾತ್ರವಲ್ಲದೆ  ಬೆದರಿಕೆ ಹಾಕಿದ್ದರು. ಇದಾದ ಬಳಿಕ ಎಲ್ಲಾ ಪೋಸ್ಟ್​ಗಳನ್ನು ಪಾಯಲ್ ಡಿಲೀಟ್​ ಮಾಡಿದ್ದರು.

ಈ ವರ್ತನೆ ಪದೇ ಪದೇ ಮುಂದುವರಿದ ಹಿನ್ನಲೆಯಲ್ಲಿ ಪರಾಗ್ ಪೊಲೀಸ್ ಠಾಣೆ ಮೆಟ್ಟಿಲು ಹತ್ತಿದ್ದರು. ಮಾತ್ರವಲ್ಲದೆ ಪಾಯಲ್ ಅಪಾರ್ಟ್ ಮೆಂಟ್ ನ ಇತರ ನಿವಾಸಿಗಳ ಜೊತೆಗೆ ಜಗಳವಾಡಿ ಬೆದರಿಕೆ ಹಾಕಿದ್ದೆ ಎನ್ನಲಾಗಿದೆ.

ಹಾಗಂತ ಪಾಯಲ್ ಗೆ ಇವೆಲ್ಲಾ ಹೊಸದಲ್ಲ ಈ ಹಿಂದೆ​ ಸಾಕಷ್ಟು ವಿವಾದಗಳ ಮೂಲಕ ಸುದ್ದಿಯಾಗಿದ್ದ ಇವರು, ಮಾಜಿ ಪ್ರಧಾನಿ ಜವಾಹರ್​ಲಾಲ್​ ನೆಹರು ವಿರುದ್ಧ ಅವಹೇಳನಕಾರಿ ಹೇಳಿಕೆ ನೀಡಿ ಸದ್ದು ಮಾಡಿದ್ದರು. ಈ ಸಂಬಂಧ 2019ರಲ್ಲಿ ಪಾಯಲ್​ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಇವರ ವರ್ತನೆಯಿಂದ ಬೇಸತ್ತ ಟ್ವಿಟರ್ ಈಗಾಗಲೇ ಇವರ​ ಖಾತೆಯನ್ನೇ ಡಿಲೀಟ್​ ಮಾಡಿದೆ.