ಬ್ರಿಟನ್ ವೈರಸ್ ಅನ್ನು ಮಣಿಸಲಿದೆಯಂತೆ ಭಾರತದ ಸ್ವದೇಶಿ ಕೊರೋನಾ ಲಸಿಕೆ

ಬೆಂಗಳೂರು : ಕೊರೋನಾ ಸೋಂಕಿನ ಆತಂಕ ಕಡಿಮೆಯಾಯ್ತು ಅನ್ನುವಷ್ಟರಲ್ಲಿ ಲಂಡನ್ ನಿಂದ ಬಂದ ರೂಪಾಂತರಿ ತಳಿ ಆತಂಕ ಹುಟ್ಟಿಸಿದೆ.

ಪ್ರಸ್ತುತ ಲಂಡನ್ ವೈರಸ್ ಅನ್ನು ನಿಗ್ರಹಿಸುವಲ್ಲಿ ಭಾರತ ಯಶಸ್ವಿಯಾಗಿದೆ. ಆದರೆ ಇದು ಶಾಶ್ವತವಲ್ಲ, ಲಂಡನ್ ನಿಂದ ಬಂದವರು ವಿಮಾನ ನಿಲ್ದಾಣದಲ್ಲಿ ಕಣ್ಣು ತಪ್ಪಿಸಿ ರೂಪಾಂತರಿ ವೈರಸ್ ಅನ್ನು ಹರಡುವ ಸಾಧ್ಯತೆ ಖಂಡಿತವಾಗ್ಲೂ ಇದೆ.

ಹೀಗಾಗಿಯೇ ಲಂಡನ್ ವೈರಸ್ ಬಗ್ಗೆ ಆತಂಕ ಕಡಿಮೆಯಾಗಿಲ್ಲ. ಜೊತೆಗೆ ಈಗ ಹೊರ ಬಂದಿರುವ ಲಸಿಕೆಗಳು ರೂಪಾಂತರಿ ವೈರಸ್ ವಿರುದ್ಧ ಕೆಲಸ ಮಾಡೋದಿಲ್ಲ ಎಂದು ಹೇಳಲಾಗಿದೆ.

ಆದರೆ ಬ್ರಿಟನ್ ಮೂಲದ ಹೊಸ ರೂಪಾಂತರಿ ಸೋಂಕು ನಿವಾರಣೆಗೂ ಕೋವ್ಯಾಕ್ಸಿನ್ ಲಸಿಕೆ ಬಹಳ ಪರಿಣಾಮಕಾರಿ ಎಂದು ಲಸಿಕೆ ಉತ್ಪಾದನಾ ಸಂಸ್ಥೆ ಭಾರತ್ ಬಯೋಟೆಕ್ ಹೇಳಿದೆ.

ರೂಪಾಂತರಿ ಸೋಂಕಿನ ವಿರುದ್ಧವೂ ಲಸಿಕೆ ಬಹಳ ಪರಿಣಾಮಕಾರಿಯಾಗಿ ಕೆಲಸ ಮಾಡಲಿದೆ. ವೈದ್ಯಕೀಯ ಪರೀಕ್ಷೆಯಿಂದ ಇದು ದೃಡಪಟ್ಟಿದೆ. ರೂಪಾಂತರಿ ವೈರಸ್ ಇನ್ನಷ್ಟು ವೇಗವಾಗಿ ರೂಪಾಂತರ ಹೊಂದುವುದನ್ನು ಕೋವಾಕ್ಸಿನ್ ಲಸಿಕೆ ತಪ್ಪಿಸಲಿದೆ ಎಂದು ಭಾರತ್ ಬಯೋಟೆಕ್ ಘೋಷಿಸಿದೆ.