ಕುಣಿಯುತ್ತೇನೆ ಎಂದು ಕೈ ಕೊಟ್ಟ ನರ್ತಕಿ – ಬಿಗ್ ಬಾಸ್ ಸ್ಪರ್ಧಿ ವಿರುದ್ಧ ಪ್ರಕರಣ ದಾಖಲು

ಬೆಂಗಳೂರು : ತನ್ನ ಮೋಹಕ ಡ್ಯಾನ್ಸ್ ಮೂಲಕ ಸಾಕಷ್ಟು ಅಭಿಮಾನಿಗಳನ್ನು ಪಡೆದಿರುವ ಡ್ಯಾನ್ಸರ್ ಸಪ್ನಾ ಚೌಧರಿ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟ ಬಳಿಕ ಸಿಕ್ಕಾಪಟ್ಟೆ ಫೇಮಸ್ ಆಗಿದ್ದರು.

ಬಿಗ್ ಬಾಸ್ ಸೀಸನ್ 11ಕ್ಕೆ ಕಾಲಿಟ್ಟ ಸಪ್ನಾ ಅದೃಷ್ಟವೇ ಬದಲಾಗಿ ಹೋಗಿತ್ತು. ಅಷ್ಟು ದಿನಗಳ ಕಾಲ ತನ್ನ ನೃತ್ಯದ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿ ಲೈಕ್ ಪಡೆಯುತ್ತಿದ್ದ ಸಪ್ನಾ ಅವರಿಗೆ ಸ್ಟೇಜ್ ಆಫರ್ ಗಳು ಡಬಲ್ ಆಯ್ತು.

ಆದರೆ ಇದೀಗ ಇದೇ ಡ್ಯಾನ್ಸರ್ ವಿರುದ್ಧ 4 ಕೋಟಿ ವಂಚನೆಯ ಆರೋಪ ಕೇಳಿ ಬಂದಿದೆ.

2018ರಲ್ಲಿ ಸ್ಟೇಜ್ ಒಂದಕ್ಕಾಗಿ ಪಿ ಆರ್ ಕಂಪನಿಯೊಂದರಿಂದ ಕೋಟಿ ಕೋಟಿ ಹಣ ಪಡೆದು ನೃತ್ಯ ಹಾಗೂ ಗಾಯನ ಮಾಡೋದಾಗಿ ಹೇಳಿದ್ದರು.

ಆದರೆ ಒಪ್ಪಂದ ಪ್ರಕಾರ ಸಪ್ನಾ ವೇದಿಕೆಯಲ್ಲಿ ಪ್ರದರ್ಶನವನ್ನೇ ನೀಡರಲಿಲ್ಲವಂತೆ.

ಈ ಬಗ್ಗೆ ಕೇಳಿದರೆ ಸಪ್ನಾ ಕೊಲೆ ಬೆದರಿಕೆ ಒಡ್ಡುತ್ತಿದ್ದಾರೆ ಎಂದು ಪಿ ಆರ್ ಕಂಪನಿಯ ಪವನ್ ಚಾವ್ಲಾ ಪೊಲೀಸರಿಗೆ ಕೊಟ್ಟಿರುವ ದೂರಿನಲ್ಲಿ ತಿಳಿಸಿದ್ದಾರೆ.

ನಮ್ಮಿಂದ ಪಡೆದ ಹಣದಲ್ಲಿ ಗುರಗಾಂವ್ ನಲ್ಲಿ ಫ್ಲ್ಯಾಟ್ ಒಂದನ್ನು ಸಪ್ನಾ ಖರೀದಿಸಿದ್ದಾರೆ ಎಂದು ದೂರಿರುವ ಪವನ್ ಚಾವ್ಲಾ ಅದಕ್ಕೆ ಸಾಕ್ಷಿಗಳನ್ನು ಕೂಡಾ ಒದಗಿಸಿದ್ದಾರೆ.

ಒಟ್ಟಿನಲ್ಲಿ ಇತ್ತೀಚೆಗೆ ಸೆಲೆಬ್ರೆಟಿಗಳ ದೋಖಾ ಕಥೆಗಳು ಸಿಕ್ಕಾಪಟ್ಟೆ ಹೊರ ಬರುತ್ತಿದೆ.