ಸಿದ್ದು, ಹೆಚ್ಡಿಕೆ, ಡಿಕೆಶಿ ಏಕಪತ್ನಿ ವೃತಸ್ಥರಾ...? ಯಾರಿಗಿದೆ ಅನೈತಿಕ ಸಂಬಂಧ...?

ಬೆಂಗಳೂರು : ರಮೇಶ್ ಜಾರಕಿಹೊಳಿ ಸಿಡಿ ಪ್ರಕರಣದ ಬೆನ್ನಲ್ಲೇ ರಾಜಕಾರಣಿಗಳ ನೈತಿಕತೆಯ ಪ್ರಶ್ನೆ ಮತ್ತೆ ಮುನ್ನಲೆಗೆ ಬಂದಿದೆ.

ಹಾಗಂತ ಇದೇನೂ ಮೊದಲ ಸಲವಲ್ಲ, ಈ ಹಿಂದೆಯೂ ಸಾಕಷ್ಟು ಬಾರಿ ಈ ಪ್ರಶ್ನೆ ಕೇಳಿ ಬಂದಿತ್ತು. ಇದಕ್ಕೆ ಪೂರಕವಾಗಿ, ಜನ ನಮ್ಮನ್ನು ಅನುಮಾನದಿಂದ ನೋಡುತ್ತಿದ್ದಾರೆ ಎಂದು ಸದನದಲ್ಲೇ ಸದಸ್ಯರು ಹೇಳಿದ್ದರು.

ಆದರೆ ಈ ಬಾರಿ ಜಾರಕಿಹೊಳಿ ಸಿಡಿ ಸಿಡಿದ ಬೆನ್ನಲ್ಲೇ ನಡೆದ ಬೆಳವಣಿಗೆಗಳು ಹಲವು ಅನುಮಾನಕ್ಕೆ ಕಾರಣವಾಗಿದೆ.

ಪ್ರಮುಖವಾಗಿ ಜಾರಕಿಹೊಳಿ ಜೊತೆಗೆ ಬಿಜೆಪಿ ಸೇರಿ ಸಚಿವರಾಗಿರುವ ಜನಪ್ರತಿನಿಧಿಗಳು ಇದೇ ವೇಳೆ ಕೋರ್ಟ್ ನಿಂದ ತಡೆಯಾಜ್ಞೆ ತಂದಿರುವುದು ಈ ಅನುಮಾನಕ್ಕೆ ಕಾರಣವಾಗಿದೆ.

ಜೊತೆಗೆ ಕಾಂಗ್ರೆಸ್ ಕೂಡಾ ಈ ತಡೆಯಾಜ್ಞೆ ವಿರುದ್ಧ ಕಿಡಿ ಕಾರಿದೆ.

ಈ ಎಲ್ಲದರ ನಡುವೆ ಆರೋಗ್ಯ ಸಚಿವ ಡಾ. ಸುಧಾಕರ್ ರಾಜಕಾರಣಿಗಳ ನೈತಿಕತೆ ಕುರಿತಂತೆ ಬಾಂಬ್ ಸಿಡಿಸಿದ್ದಾರೆ.

ಸಿದ್ದು, ಹೆಚ್ಡಿಕೆ, ಡಿಕೆಶಿ ಏಕಪತ್ನಿವೃತಸ್ಥರಾ…? ಯಾರಿಗಿದೆ ಅನೈತಿಕ ಸಂಬಂಧ…? ರಮೇಶ್ ಕುಮಾರ್ ಸತ್ಯ ಹರಿಶ್ಚಂದ್ರರ..? ಯಾರಿಗೆ ಅನೈತಿಕ ಸಂಬಂಧವಿದೆ ಅನ್ನುವುದು ಸಾಬೀತಾಗಲಿ. 225 ಶಾಸಕರ ಬಗ್ಗೆಯೂ ತನಿಖೆಯಾಗಲಿ.

ಎಲ್ಲರ ಮೇಲೆ ತನಿಖೆಯಾದರೆ ಬಂಡವಾಳ ಬಯಲಾಗುತ್ತದೆ. ಯಾರ ಚರಿತ್ರೆ ಏನು ಅನ್ನುವುದು ಗೊತ್ತಾಗುತ್ತದೆ. ಮುಖ್ಯಮಂತ್ರಿಗಳಾದ ಸಂದರ್ಭದಲ್ಲಿ ಯಾರು ಏನು ಮಾಡಿದರು. ಯಾರಿಗೆ ಅನೈತಿಕ ಸಂಬಂಧವಿದೆ, ಯಾರಿಗೆ ವಿವಾಹಯೇತರ ಸಂಬಂಧವಿದೆ ಅನ್ನುವುದು ಗೊತ್ತಾಗಲಿ ಅಂದಿದ್ದಾರೆ.

ತನಿಖೆಯಲ್ಲಿ ಯಾರು ಶ್ರೀರಾಮಚಂದ್ರರು ಅನ್ನುವುದು ಬಯಲಾಗಲಿ ಎಂದು ಸುಧಾಕರ್ ಸವಾಲು ಹಾಕಿದ್ದಾರೆ.