ಕೆಟಿಎಂ ಡ್ಯೂಕ್ ಮೇಲೆ ಯುವತಿಯ ಬೈಕ್ ಸ್ಟಂಟ್ – ವಿಡಿಯೋ ವೈರಲ್ ಬೆನ್ನಲ್ಲೇ ಕೇಸ್ ಮೇಲೆ ಕೇಸ್ ಜಡಿದ ಪೊಲೀಸರು

ನವದೆಹಲಿ : ಬೈಕ್ ಸ್ಟಂಟ್, ವೀಲ್ಹಿಂಗ್ ಅನ್ನೋದು ಕೇವಲ ಯುವಕರಿಗೆ ಮಾತ್ರ ಮೀಸಲು ಅಂದ್ರೆ ಖಂಡಿತಾ ತಪ್ಪು, ಹಲವು ಕಡೆಗಳಲ್ಲಿ ಹುಡುಗರಿಗೆ ನಾವೇನು ಕಮ್ಮಿ ಅನ್ನುವಂತೆ ಯುವತಿಯರು ಸ್ಟಂಟ್ ಮಾಡುತ್ತಾರೆ.

ಹೀಗೆ ಸ್ಟಂಟ್ ಮಾಡಿ, ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಲೈಕ್ ಕಮೆಂಟ್ ಪಡೆಯಲು ಹೋದ ಯುವತಿಯೊಬ್ಬಳನ್ನು ಪೊಲೀಸರು ಬಂಧಿಸಿದ್ದಾರೆ.

social media influencer ಎಂದು ಫೋಷಿಸಿಕೊಂಡಿರುವ ಸಂಜನಾ ಕೆಟಿಎಂ ಬೈಕ್ ನಲ್ಲಿ ಸ್ಟಂಟ್ ಮಾಡಿದ್ದಾರೆ. ಮಾತ್ರವಲ್ಲದೆ ಈ ವಿಡಿಯೋವನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡಿದ್ದಾರೆ.

ಇವರ ಸಾಧನೆ ಸಿಕ್ಕಾಪಟ್ಟೆ ವೈರಲ್ ಆಯ್ತು, ಸೂರತ್ ಪೊಲೀಸರಿಗೂ ತಲುಪಿತು.
ಯಾವಾಗ ಪೊಲೀಸರು ಯುವತಿಯ ಸಾಧನೆ ನೋಡಿದರೋ ಕಾನೂನು ಪ್ರಕಾರ ಸನ್ಮಾನಿಸಲು ನಿರ್ಧರಿಸಿದರು.

ವಿಡಿಯೋದಲ್ಲಿ ಸಿಕ್ಕ ಬೈಕ್ ರಿಜಿಸ್ಟ್ರೇಷನ್ ನಂಬರ್ ಬೆನ್ನು ಹತ್ತಿ ಮೊದಲು ಮಾಲೀಕನನ್ನು ಪತ್ತೆ ಹಚ್ಚಿದ್ದಾರೆ.

ಬಳಿಕ ಸ್ಟಂಟ್ ಮಾಡಿದ ಸಂಜನಳನ್ನು ಕರೆದುಕೊಂಡು ಬಂದಿದ್ದಾರೆ.
ವಿಚಾರಣೆ ನಡೆಸಿದ್ರೆ ಸಂಜನಾಳಿಗೆ ಬೈಕ್ ಸ್ಟಂಟ್ ಹೊಸದಲ್ಲ. ಹೀಗಾಗಿ ಈ ಹಿಂದೆಯೂ ಸಾಕಷ್ಟು ಸಲ ಬೈಕ್ ಸ್ಟಂಟ್ ಮಾಡಿರುವುದನ್ನು ಒಪ್ಪಿಕೊಂಡಿದ್ದಾಳೆ.

ಹೀಗಾಗಿ ಎಚ್ಚೆತ್ತುಕೊಂಡ ಉಮ್ರಾ ಪೊಲೀಸ್ ಠಾಣೆಯ ಪೊಲೀಸರು ಅಪಾಯಕಾರಿಯಾಗಿ ವಾಹನ ಚಲಾಯಿಸಿದ್ದು, ಹೆಲ್ಮೆಟ್ ಧರಿಸದೇ ಬೈಕ್ ಓಡಿಸಿದ್ದು, ಕೊರೋನಾ ನಿಯಮ ಉಲ್ಲಂಘಿಸಿ ಮಾಸ್ಕ್ ಹಾಕದೇ ಬೈಕ್ ಓಡಿಸಿದ್ದು ಹೀಗೆ ಸೆಕ್ಷನ್ ಗಳನ್ನು ಹುಡುಕಿ ಹುಡುಕಿ ಕೇಸ್ ಜಡಿದಿದ್ದಾರೆ.

ಇದೀಗ ಸಂಜನಾ ನೇಲೆ sections 279 (rash driving on a public way), 188 (Disobedience to order duly promulgated by public servant), 269 (negligent act likely to spread the infection of any disease dangerous to life) ಪ್ರಕಾರ ಕೇಸು ದಾಖಲಾಗಿದೆ.