ಕೊರೋನಾ ಲಸಿಕೆಯ ಅಡ್ಡ ಪರಿಣಾಮಕ್ಕೆ ದೇಶದಲ್ಲಿ ಮೊದಲ ಸಾವು…

ನವದೆಹಲಿ : ಕೊರೋನಾ ವಿರುದ್ಧ ಪರಿಣಾಮಕಾರಿಯಾಗಿರುವ ಲಸಿಕೆಯಿಂದ ಅಡ್ಡ ಪರಿಣಾಮಗಳಿಲ್ಲ ಎಂದು ಹೇಳಲಾಗಿತ್ತು. ಸಾಮಾನ್ಯವಾಗಿ ಲಸಿಕೆ ಪಡೆದಾಗ ಜ್ವರ, ನೋವು ಸಾಮಾನ್ಯ ಆದರೆ ಗಂಭೀರ ಪರಿಣಾಮಗಳಿಲ್ಲ ಎಂದು ತಜ್ಞರು ಹೇಳಿದ್ದರು.

ಆದರೆ ಕೊರೋನಾ ಲಸಿಕೆಯ ಎರಡೂ ಡೋಸ್ ಪಡೆದ 68 ವರ್ಷದ ವ್ಯಕ್ತಿಯೊಬ್ಬರು ಅಡ್ಡ ಪರಿಣಾಮದಿಂದ ಮೃತಪಟ್ಟಿದ್ದಾರೆ ಎಂದು ರಾಷ್ಟ್ರೀಯ ಲಸಿಕಾ ನಂತರ ಅಡ್ಡ ಪರಿಣಾಮ ಘಟನೆಯ ಅಧ್ಯಯನ ಸಮಿತಿ (AEFI) ಹೇಳಿದೆ.

ಮಾಚ್ 8 ರಂದು ಲಸಿಕೆಯ ಎರಡನೆ ಡೋಸ್ ಪಡೆದಿದ್ದ ವ್ಯಕ್ತಿಯೂ ಅನಾಫಿಲ್ಯಾಕ್ಸಿಸ್ ಎಂಬ ಅಲರ್ಜಿಗೆ ತುತ್ತಾಗಿ ಮಾರ್ಚ್ 31 ರಂದು ಮೃತಪಟ್ಟಿದ್ದಾರೆ. ಇದು ಲಸಿಕೆ ಅಡ್ಡಪರಿಣಾಮದಿಂದ ದೇಶದಲ್ಲಿ ಸಂಭವಿಸಿರುವ ಮೊದಲ ಸಾವಿನ ಪ್ರಕರಣವಾಗಿದೆ.

ಫೆ 5 ರಿಂದ ಮಾರ್ಚ್ 31ರವರೆಗೆ ದೇಶದ್ಯಂತ ಲಸಿಕೆ ಪಡೆದವರ ಪೈಕ್ ಮೂವರಲ್ಲಿ ಅಲರ್ಜಿ ಕಾಣಿಸಿಕೊಂಡಿತ್ತು. ಈ ಪೈಕಿ 21 ವರ್ಷದ ಯುವತಿ ಹಾಗೂ 22 ವರ್ಷದ ಯುವಕ ಚೇತರಿಸಿಕೊಂಡಿದ್ದಾರೆ ಎಂದು AEFI ಮುಖ್ಯಸ್ಥ ಡಾ. ಎನ್.ಕೆ. ಆರೋರಾ ತಿಳಿಸಿದ್ದಾರೆ.