ಲೇಟ್ ಲತೀಫ್ – ಮುಖ್ಯಮಂತ್ರಿಯನ್ನೇ ಬಿಟ್ಟು ಹೋದ ಪೈಲೆಟ್

ಸಿಎಂ ಕುಮಾರಸ್ವಾಮಿ ಹೆಲಿಪ್ಯಾಡ್‌ಗೆ ನಿಗದಿತ ಸಮಯಕ್ಕೆ ಬಂದಿಲ್ಲ ಎಂದು ಸಿಎಂ ಅವರನ್ನು ಬಿಟ್ಟು ಹೆಲಿಕಾಪ್ಟರ್‌ ಬೆಂಗಳೂರಿಗೆ ತೆರಳಿದ ಘಟನೆ ಶನಿವಾರ ಹಾಸನದಲ್ಲಿ ನಡೆದಿದೆ.

ಚನ್ನರಾಯಪಟ್ಟಣ ತಾಲೂಕಿನ ಶ್ರವಣಬೆಳಗೊಳದ ಹೆಲಿಪ್ಯಾಡ್‌ನಿಂದ ಹೆಲಿಕಾಪ್ಟರ್‌ ಮೂಲಕ ಬೆಂಗಳೂರಿಗೆ ತೆರಳಬೇಕಿದ್ದ ಸಿಎಂ 3.35ಕ್ಕೆ  ಶ್ರವಣಬೆಳಗೊಳ ಹೆಲಿಪ್ಯಾಡ್‌ ಗೆ ಬರಬೇಕಾಗಿತ್ತು.

ಮಂಡ್ಯ ಲೋಕಸಭಾ ಚುನಾವಣಾ ಪ್ರಚಾರದಲ್ಲಿ ಭಾಗವಹಿಸಿದ್ದ ಕುಮಾರಸ್ವಾಮಿ ಅವರು ಪ್ರಚಾರ ಮುಗಿಸಿ ಕೆ.ಆರ್‌.ಪೇಟೆ ಮಾರ್ಗವಾಗಿ ಶ್ರವಣಬೆಳಗೊಳ ಹೆಲಿಪ್ಯಾಡ್‌ಗೆ ಆಗಮಿಸಿ ನಂತರ ಹೆಲಿಕಾಪ್ಟರ್‌ ಮೂಲಕ ಬೆಂಗಳೂರಿಗೆ ತೆರಳಬೇಕಿತ್ತು. ಸಿಎಂ ಕಚೇರಿಯ ಪೂರ್ವ ನಿಗದಿಯಂತೆ 3.35ಕ್ಕೆ ಶ್ರವಣಬೆಳಗೊಳ ಹೆಲಿಪ್ಯಾಡ್‌ನಿಂದ ಬೆಂಗಳೂರಿಗೆ ಸಿಎಂ ತೆರಳಬೇಕಾಗಿತ್ತು. ಆದರೆ ಕಾರ್ಯಕ್ರಮದ ಒತ್ತಡದಿಂದ ಅವರು ಬರ್ಲೇ ಇಲ್ಲ.

ಬಳಿಕ ಸಂಜೆ 5 ಗಂಟೆಗೆ ಸಮಯವನ್ನು ಮುಂದೂಡಲಾಯ್ತು. 5 ಗಂಟೆಗೂ ಸಿಎಂ ಬರಲಿಲ್ಲ. ಈ ವೇಳೆ ಸಿಎಂ ಬರ್ತಾರೆ ಸ್ವಲ್ಪ ಹೊತ್ತು ಎಂದು ಪೊಲೀಸರು ಪೈಲೆಟ್ ಗಳನ್ನು ಮನವಿ ಮಾಡಿದರು. ಆದರೆ 5.30ರವರೆಗೂ ಕಾದ ಪೈಲೆಟ್ ಕತ್ತಲಾದ ಬಳಿಕ ಹಾರಾಟಕ್ಕೆ ಅವಕಾಶವಿಲ್ಲ ಎಂದು ಅನಿವಾರ್ಯವಾಗಿ ಸಿಎಂ ಅವರನ್ನು ಬಿಟ್ಟು ಬೆಂಗಳೂರಿಗೆ ತೆರಳಿದರು.

https://www.youtube.com/watch?v=LXvToNG3WTA