ನವದೆಹಲಿ : ವಿಶ್ವಕ್ಕೆ ಮತ್ತೊಂದು ಕಂಟಕ ತಂದೊಡ್ಡಲಿದೆ ಎಂದು ಭಾವಿಸಲಾಗಿರುವ ಒಮಿಕ್ರೋನ್ ರೂಪಾಂತರಿ ತಳಿ ಕುರಿತಂತೆ ಕೆಲವೇ ಕೆಲವು ವೈದ್ಯರು ಉಡಾಫೆಯ ಹೇಳಿಕೆ ನೀಡುತ್ತಿದ್ದಾರೆ. ಇದೇನು ಗಂಭೀರವಲ್ಲ. ಈಗಾಗಲೇ ಕೊರೋನಾ ಸೋಂಕು ತಗುಲಿದವರಿಗೆ ಮತ್ತೆ ತಗುಲುವುದಿಲ್ಲ ಅನ್ನುತ್ತಿದ್ದಾರೆ. ಇಂತಹ ಹೇಳಿಕೆಗಳಿಂದ ಜನ ಮಾಸ್ಕ್ ಮತ್ತು ಸಾಮಾಜಿಕ ಅಂತರವನ್ನು ಮತ್ತಷ್ಟು ಮರೆಯುವಂತಾಗಿದೆ. ಆದರೆ ಇದೀಗ ವಿಶ್ವ ಆರೋಗ್ಯ ಸಂಸ್ಥೆಯೇ ಒಮಿಕ್ರೋನ್ ರೂಪಾಂತರಿ ವೈರಸ್ ಜಗತ್ತಿಗೆ ಅತ್ಯಂತ ಅಪಾಯಕಾರಿ ವೈರಸ್ ಅಂದಿದೆ.
ಈ ಬಗ್ಗೆ ಅಧಿಕೃತ ಹೇಳಿಕೆ ಬಿಡುಗಡೆ ಮಾಡಿರುವ WHO, ಒಮಿಕ್ರೋನ್ ನ ಪ್ರೋಟಿನ್ ಗಳು ಭಾರೀ ಪ್ರಮಾಣದಲ್ಲಿ ರೂಪಾಂತರಗೊಂಡಿದೆ. ಹೀಗಾಗಿ ಜಗತ್ತಿನಲ್ಲಿ ಈ ವೈರಸ್ ಹರಡುವ ಸಾಧ್ಯತೆಗಳಿದೆ. ಜೊತೆಗೆ ಇದು ಅಪಾಯಕಾರಿಯಾಗಿಯೂ ಪರಿಣಮಿಸಬಹುದು. ರೂಪಾಂತರಿ ತಳಿ ಎಲ್ಲಿ ಹರಡುತ್ತದೆ ಅನ್ನುವ ಆಧಾರದಲ್ಲಿ ಅದರ ಗಂಭೀರತೆಯೂ ಬದಲಾಗಬಹುದು. ಹಾಗಿದ್ದರೂ ಹೊಸ ಸೋಂಕಿನಿಂದ ಎಲ್ಲೂ ಸಾವು ಸಂಭವಿಸಿಲ್ಲ ಎಂದು ಹೇಳಿದೆ.
ಆದರೆ ಲಸಿಕೆ ಪಡೆದವರು ಹಾಗೂ ಒಮ್ಮೆ ಸೋಂಕು ತಗುಲಿದವರಿಗೆ ಒಮಿಕ್ರೋನ್ ಅಪಾಯಕಾರಿಯೇ ಅನ್ನುವ ಕುರಿತಂತೆ ವಿಶ್ವಸಂಸ್ಥೆ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಒಮ್ಮೆ ಕೊರೋನಾ ಸೋಂಕು ತಗುಲಿದ ಬಳಿಕ ಉತ್ಪಾದನೆಯಾಗಿರುವ ರೋಗ ನಿರೋಧ ಶಕ್ತಿಯನ್ನು ಈ ಒಮಿಕ್ರೋನ್ ಭೇದಿಸಬಲ್ಲುದೇ ಅನ್ನುವ ಕುರಿತಂತೆ ಮತ್ತಷ್ಟು ಅಧ್ಯಯಮ ಅಗತ್ಯವಿದೆ ಎಂದು WHO ಹೇಳಿದೆ.
ಇನ್ನು ಆಫ್ರಿಕಾದ ಬೋಟ್ಸ್ ವಾನಾ ದೇಶದಲ್ಲಿ ಪತ್ತೆಯಾಗಿರುವ ಈ ಹೊಸ ರೂಪಾಂತರಿ ವೈರಸ್ 13 ದೇಶಗಳಿಗೆ ಹರಡಿದೆ.
Omicron: WHO warns of ‘high infection risk’ around globe The World Health Organization (WHO) has warned that the Omicron coronavirus variant poses a high risk of infection surges around the globe.
Discussion about this post