ಕೊರೋನಾ ಲಾಕ್ ಡೌನ್ ನಡುವೆ ಬೈಕ್ ಕಳ್ಳರು ಸಿಕ್ಕಾಪಟ್ಟೆ ಬ್ಯುಸಿ

ರಾಯಚೂರು :  ಕೊರೊನಾ ಸೋಂಕು ಓಡಿಸಲು ದೇಶಕ್ಕೆ ಲಾಕ್ ಡೌನ್ ಘೋಷಿಸಲಾಗಿದೆ. ಬೆಂಗಳೂರು ಹೊರತುಪಡಿಸಿ ಬಹುತೇಕ ಜಿಲ್ಲೆಗಳಲ್ಲಿ ಬೈಕ್ ಜೊತೆಗೆ ಹೊರಗೆ ಬಂದ್ರೆ ಸೀಜ್ ಮಾಡಲಾಗುತ್ತಿದೆ. 

ಹೀಗಿದ್ದರೂ ರಾಯಚೂರು ಜಿಲ್ಲೆಯಲ್ಲಿ ಮಾತ್ರ ಬೈಕ್ ಕಳ್ಳರ ಹಾವಳಿ ಜೋರಾಗಿದೆ. ಲಾಕ್ ಡೌನ್ ನಡುವೆ ಬೈಕ್ ಕಳ್ಳತನ ಕುರಿತ ದೂರುಗಳು ಹೆಚ್ಚಾದ ಹಿನ್ನಲೆಯಲ್ಲಿ  ಮಾನ್ವಿ ಪೊಲೀಸರ ತಂಡ ಕಾರ್ಯಾಚರಣೆ ನಡೆಸಿ, ಜಿಲ್ಲೆಯ ವಿವಿಧ ಠಾಣೆಗೆ ಬೇಕಾಗಿದ್ದ ಇಬ್ಬರು ಕಳ್ಳರನ್ನ ಬಂಧಿಸಿದ್ದಾರೆ.

ಮಸ್ಕಿ ತಾಲೂಕಿನ ಸೋಮನಾಥಪುರದ ನಿವಾಸಿ ಉಮೇಶ್, ಮಾನವಿ ಕೋನಾಪುರಪೇಟೆಯ ಆಟೋ ಚಾಲಕ ಅಖ್ತರ್ ಬಂಧಿತ ಆರೋಪಿಗಳು.

ಬಂಧಿತರಿಂದ 3.55 ಲಕ್ಷ ರೂ. ಮೌಲ್ಯದ 8 ಬೈಕ್‍ಗಳನ್ನು ವಶಪಡಿಸಿಕೊಳ್ಳಲಾಗಿದೆ.