ವಿಡಿಯೋದಲ್ಲಿರುವುದು ನಾನಲ್ಲ… ವೈರಲ್ ವಿಡಿಯೋ ಬಗ್ಗೆ ಸದಾನಂದಗೌಡ ಸ್ಪಷ್ಟನೆ

ಸಾಮಾಜಿಕ ಜಾಲತಾಣಗಳಲ್ಲಿ ಮಾಜಿ ಕೇಂದ್ರ ಸಚಿವ ಸದಾನಂದ ಗೌಡ ಅವರದ್ದು ಎನ್ನಲಾದ ಅಶ್ಲೀಲ ವಿಡಿಯೋವೊಂದನ್ನು ವೈರಲ್ ಮಾಡಲಾಗಿದ್ದು, ಈ ಸಂಬಂಧ ಸದಾನಂದ ಗೌಡ ಅವರು ಪ್ರತಿಕ್ರಿಯಿಸಿದ್ದು, ಈ ವಿಡಿಯೋ ನಕಲಿಯಾಗಿದ್ದು, ಆ ವಿಡಿಯೋದಲ್ಲಿರುವುದು ನಾನಲ್ಲ ಎಂದು ಟ್ವೀಟರ್ ಮೂಲಕ ಸ್ಪಷ್ಟಪಡಿಸಿದ್ದಾರೆ.

ಇದನ್ನೂ ಓದಿ : ಕೇಂದ್ರ ಸಚಿವರಿಗೆ ಸಿಡಿ ಭೀತಿ….? ಮಾಧ್ಯಮಗಳ ವಿರುದ್ಧ ಕೋರ್ಟ್ ಮೊರೆ ಹೋದ ಡಿವಿ ಸದಾನಂದಗೌಡ

ಆ ವಿಡಿಯೋದಲ್ಲಿರುವುದು ನಾನಲ್ಲ. ಅದೊಂದು ನಕಲಿ ವಿಡಿಯೋವಾಗಿದ್ದು, ನನ್ನ ವಿರೋಧಿಗಳು ನನ್ನ ವ್ಯಕ್ತಿತ್ವಕ್ಕೆ ಧಕ್ಕೆ ಮಾಡಲು ಈ ವಿಡಿಯೋವನ್ನು ಮಾಡಿದ್ದಾರೆ ಎಂದು ಹೇಳಿರುವ ಡಿವಿಎಸ್, ಈ ಸಂಬಂಧ ನಾನು ಸೈಬರ್ ಕ್ರೈಂ ಪೊಲೀಸರಿಗೆ ದೂರು ನೀಡಿದ್ದೇನೆ. ಅಪರಾಧಿಗಳನ್ನು ಶೀಘ್ರವೇ ಬಂಧಿಸಲಾಗುವುದು ಅನ್ನುವ ನಂಬಿಕೆ ನನಗಿದೆ ಅಂದಿದ್ದಾರೆ.

ಹಾಗೇ ನೋಡಿದರೆ ಸದಾನಂದ ಗೌಡರು ಈ ಹಿಂದೆ ವಿಡಿಯೋ ಇದೆ ಎಂದು ಸುದ್ದಿ ಬಂದಾಗಲೇ ಪೊಲೀಸರಿಗೆ ದೂರು ನೀಡಬೇಕಾಗಿತ್ತು. ನಕಲಿ ವಿಡಿಯೋ ತಯಾರಕರನ್ನು ಬಂಧಿಸಿ ಎಂದು ಸೂಚನೆ ನೀಡಿದ್ರೆ ಪೊಲೀಸರು ಅವತ್ತೇ ದುಷ್ಕರ್ಮಿಗಳ ಹೆಡೆ ಮುರಿ ಕಟ್ತಾ ಇದ್ರು. ಬದಲಾಗಿ ಮಾಧ್ಯಮಗಳ ವಿರುದ್ಧ ಸದಾನಂದಗೌಡರು ತಡೆಯಾಜ್ಞೆ ತಂದರು.