ನನ್ನ ಸೈಜ್ ಮಾತನಾಡೋಕೆ ನಿನಗ್ಯಾರು ಅಧಿಕಾರ ಕೊಟ್ಟವರು.. ಗರಂ ಆಗಿದ್ಯಾಕೆ ಶಾಲಿನಿ ಮೇಡಂ?

ಬೆಂಗಳೂರು : ಕೆಲವರಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹೇಗೆ ವರ್ತಿಸಬೇಕು, ಯಾವ ಪ್ರಶ್ನೆಯನ್ನು ಕೇಳಬಾರದು ಕೇಳಬೇಕು ಅನ್ನುವ ಪರಿಜ್ಞಾನವಿರೋದಿಲ್ಲ.

ಅದರಲ್ಲೂ ಸೆಲೆಬ್ರೆಟಿಗಳು ಸಿಕ್ರೆ ಸಾಕು ಅವರ ಖಾಸಗಿ ವಿಷಯಗಳಿಗೆ ಕೈ ಹಾಕಿ ಬಿಡುತ್ತಾರೆ. ಜನ ಸಾಮಾನ್ಯರಂತೆ ಅವರಿಗೂ ಖಾಸಗಿ ಬದುಕುಗಳಿವೆ ಅನ್ನುವುದನ್ನು ಮರೆತು ವರ್ತಿಸುತ್ತಾರೆ.

ಇಂತಹ ಪ್ರಶ್ನೆಗಳು ಬಂದಾಗ ಕೆಲವು ಸೆಲೆಬ್ರೆಟಿಗಳು ಸೈಲೆಂಟ್ ಆಗಿ ತೇಲಿಸಿ ಬಿಡುತ್ತಾರೆ. ಮತ್ತೆ ಕೆಲವರು ಜಾಣತನದ ಉತ್ತರ ಕೊಡುತ್ತಾರೆ. ಇನ್ನು ಕೆಲವರು ಗರಂ ಆಗುತ್ತಾರೆ. ಪ್ರಶ್ನೆ ಕೇಳಿದವನಿಗೆ ಮುಟ್ಟಿ ನೋಡಿಕೊಳ್ಳುವಂತ ಉತ್ತರ ಕೊಡುತ್ತಾರೆ.

ಹಾಗೇ ನಟಿ, ನಿರೂಪಕಿ, ಆರ್ ಜೆ ಖ್ಯಾತಿಯ ಶಾಲಿನಿ ಖಾಸಗಿ ವಿಷಯದ ಕುರಿತಂತೆ ಪ್ರಶ್ನೆ ಕೇಳಿದ ಅಭಿಮಾನಿಗೆ ಖಡಕ್ಕ್ ಉತ್ತರ ಕೊಟ್ಟಿದ್ದಾರೆ.

ಶಾಲಿನಿ ಸತ್ಯನಾರಾಯಣ್ ಕೇಲ ದಿನಗಳ ಹಿಂದೆ ನಿರೂಪಕ ನಿರಂಜನ್ ಜೊತೆಗಿನ ವಿಡಿಯೋ ಒಂದನ್ನು ಹಂಚಿಕೊಂಡಿದ್ದರು.

ಸ್ಟಾರ್ ಸುವರ್ಣ ವಾಹಿನಿಯ ಪ್ರೇಮೋತ್ಸವ ಕಾರ್ಯಕ್ರಮದ ಸಂದರ್ಭದಲ್ಲಿ ತೆಗೆದ ವಿಡಿಯೋ ಇದಾಗಿತ್ತು.

ವಿಡಿಯೋ ನೋಡಿದ ಅನೇಕರು ಗೌರವದಿಂದ ಕಮೆಂಟ್ ಮಾಡಿದ್ರೆ, ಅದ್ಯಾವನೋ ಒಬ್ಬ ತರ್ಲೆ ರುದ್ರೇಶ್ ಅನ್ನೋ ವ್ಯಕ್ತಿ,

ಶಾಲು ತುಂಬ ಚಿಕ್ಕ ವಯಸ್ಸು, ಆದರೆ ದಪ್ಪ diet ಮಾಡಿ ಅಂದಿದ್ದಾನೆ.

ಅಷ್ಟೇ ಶಾಲಿನಿಯವರಿಗೆ ಪಿತ್ತ ನೆತ್ತಿಗೇರಿತ್ತು. ಹೀಗಾಗಿ ಖಡಕ್ಕ್ ಉತ್ತರವನ್ನೇ ಕೊಟ್ಟಿದ್ದಾರೆ.

View this post on Instagram

A post shared by Shalini Sathyanarayan (@shalini_official)

ನನ್ನ ತೂಕದ ಬಗ್ಗೆ comment ಮಾಡೋಸ್ಟು ಸಲಿಗೆ ನಿಮಗೆ ನಾನು ಕೊಟ್ಟಿಲ್ಲ.ನನ್ನ ವಯಸ್ಸು ,ನನ್ನ ತೂಕ ಯಾವುದರ ಬಗ್ಗೆ ಟೀಕೆ ಮಾಡೋಕ್ಕೆ ನಿಮಗೆ ಹಕ್ಕಿಲ್ಲ. ದಯವಿಟ್ಟು ನಿಮ್ಮ ಈ ರೀತಿಯ ಕುಂಚಿತ ಮನೋಭಾವನೆಯ ಯೋಚನೆಯನ್ನು ನಿಮ್ಮ ಬಳಿಯೇ ಇಟ್ಟು ಕೊಳ್ಳಿ. ಇದರ ಅವಶ್ಯಕತೆ ನನಗೆ ಇಲ್ಲ. ಧನ್ಯವಾದ ಅಂದಿದ್ದಾರೆ.

ಅಷ್ಟೇ ರುದ್ರೇಶ್ ಅನ್ನೋ ವ್ಯಕ್ತಿಯ ನೆರಳು ಕಾಣಿಸಿಕೊಂಡಿದ್ರೆ ಹೇಳಿ.