ಒಬ್ಬನ ಪ್ರಾಣ ಉಳಿಸಲು ಹೋಗಿ 6 ಜನರ ದುರ್ಮರಣ : ಯುಪಿಯಲ್ಲಿ ಭೀಕರ ಅಪಘಾತ

ಬೈಕ್ ಸವಾರನನ್ನು ರಕ್ಷಿಸಲು ಹೋದ ವೇಳೆ ನಡೆದ ಅಪಘಾತದಲ್ಲಿ  ಆರು ಮಂದಿ ಸ್ಥಳದಲ್ಲೇ ಮೃತಪಟ್ಟ ಘಟನೆ . ಉತ್ತರಪ್ರದೇಶದ ಬಲರಾಂಪುರ್​​ನಲ್ಲಿ  ಘಟನೆ ನಡೆದಿದೆ

ಬಲರಾಂಪುರ್​ ಜಿಲ್ಲೆಯ ರಾಷ್ಟ್ರೀಯ ಹೆದ್ದಾರಿ 730ರ ತುಳಸಿಪುರ ರಸ್ತೆ ಬಳಿ ಈ ದುರ್ಘಟನೆ ಸಂಭವಿಸಿದ್ದು, ಕಾರಿನಲ್ಲಿದ್ದವರು ದೇವರ ದರ್ಶನಕ್ಕೆಂದು ತೆರಳುತ್ತಿದ್ದರು ಎಂದು ಎಂದು ಗೊತ್ತಾಗಿದೆ.ಮೃತರಲ್ಲಿ ಮೂವರು ಮಕ್ಕಳು, ಇಬ್ಬರು ಯುವಕರು ಹಾಗೂ ಓರ್ವ ಮಹಿಳೆ ಸೇರಿದ್ದಾರೆ.

ಕಾರಿನ ಮುಂಭಾಗದಿಂದ ಬರುತ್ತಿದ್ದ ಬೈಕ್​ ಸವಾರ ಕಾರಿಗೆ ಡಿಕ್ಕಿ ಹೊಡೆಯಲು ಮುಂದಾಗಿದ್ದ. ಈ ವೇಳೆ ಅದನ್ನ ತಪ್ಪಿಸುವ ಉದ್ದೇಶದಿಂದ ಕಾರು​ ಡ್ರೈವರ್​​ ಬ್ರೇಕ್​ ಹಾಕಿದ್ದಾನೆ. ಈ ವೇಳೆ ಸ್ಕಿಡ್ ಆದ ಕಾರು ಪಕ್ಕದ ಕೆರೆಗೆ ಬಿದ್ದಿದೆ. ಈ ವೇಳೆ ಬೈಕ್ ಸವಾರ ಸಣ್ಣ-ಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾನೆ.