41 ವರ್ಷಗಳ ಬಳಿಕ ರಾಷ್ಟ್ರೀಯ ಕ್ರೀಡೆಯಲ್ಲಿ ಕಂಚು ಗೆದ್ದ ಭಾರತ

ಭಾರತದ ರಾಷ್ಟ್ರೀಯ ಕ್ರೀಡೆ ಹಾಕಿಯಲ್ಲಿ ಭಾರತ ತಂಡ ಇತ್ತೀಚೆಗೆ ಕಳಪೆ ಪ್ರದರ್ಶನ ನೀಡುತ್ತಿತ್ತು. ಹಿಂದೆಲ್ಲಾ ಭಾರತದ ಹಾಕಿ ತಂಡ ಮೈದಾನಕ್ಕೆ ಇಳಿಯಿತು ಅಂದ್ರೆ ಚಿನ್ನ ಗ್ಯಾರಂಟಿ. ಆದರೆ ಬದಲಾದ ದಿನಗಳಲ್ಲಿ ಭಾರತ ಹಾಕಿ ತಂಡಕ್ಕೆ ಸೋಲು ಕಟ್ಟಿಟ್ಟ ಬುತ್ತಿಯಾಗಿತ್ತು.

ಕಳೆದ ಕೆಲ ವರ್ಷಗಳ ಹಿಂದೆ ಕೇಂದ್ರ ಕ್ರೀಡಾ ಇಲಾಖೆ ಹಾಕಿ ತಂಡಕ್ಕೆ ಬಲ ತುಂಬಲು ನಿರ್ಧರಿಸಿತ್ತು. ಇದರ ಫಲ ಅನ್ನುವಂತೆ ಈ ಬಾರಿಯ ಒಲಿಂಪಿಕ್ಸ್ ನಲ್ಲಿ ಕಂಚಿನ ಮಿಂಚು ಹರಿದಿದೆ. ಜರ್ಮನಿ ವಿರುದ್ಧ ಜಯಬೇರಿ ಭಾರಿಸಿರುವ ಭಾರತ ತಂಡ ಇತಿಹಾಸದ ಪುಟಗಳಲ್ಲಿ ದಾಖಲೆ ಬರೆದಿದೆ. 5-4 ಗೋಲುಗಳ ಅಂತರದಿಂದ ಭಾರತ ಕಂಚು ಗೆದ್ದುಕೊಂಡಿದೆ.