ಟೋಕಿಯೋದಲ್ಲಿ ಚಿನ್ನ ಗೆಲ್ಲುವ ಪಿವಿ ಸಿಂಧು ಕನಸು ನುಚ್ಚು ನೂರು

ಟೋಕಿಯೋ : ಭಾರತದ ಭರವಸೆಯ ಬ್ಯಾಡ್ಮಿಂಟನ್​ ಸ್ಟಾರ್​ ಪಿ.ವಿ. ಸಿಂಧು ಮಹಿಳೆಯರ ಸಿಂಗಲ್ಸ್​​ನ ಸೆಮಿಫೈನಲ್​ನಲ್ಲಿ ಸೋಲು ಕಂಡಿದ್ದಾರೆ. ಚೈನೀಸ್ ತೈಪೆಯ ತಾಯ್ ತ್ಸು ಯಿಂಗ್ ವಿರುದ್ಧ 18-21 ಹಾಗೂ 12-21 ಅಂತರದ ನೇರ ಗೇಮ್ ನಲ್ಲಿ  ಸೋಲು ಕಾಣುವ ಮೂಲಕ ಫೈನಲ್ ದಾರಿಯಿಂದ ನಿರ್ಗಮಿಸಿದರು.

ಇದೀಗ ಕಂಚಿನ ಪದಕ ಆಸೆಯೊಂದು ಉಳಿದಿದ್ದು ಅದಕ್ಕಾಗಿ ಪಿವಿ ಸಿಂಧು ಚೀನಾದ ಹಿ ಬಿಂಗ್ ಜಿಯಾವ್ ವಿರುದ್ಧ ನಾಳೆ ಸೆಣಸಲಿದ್ದಾರೆ.

ಈ ಹಿಂದೆ ಜಪಾನ್‌ನ ಅಕಾನೆ ಯಮಗುಚಿ ವಿರುದ್ಧ 21-13, 22-20 ಅಂತರದಿಂದ ಗೆಲುವು ದಾಖಲು ಮಾಡಿ ಸೆಮಿಫೈನಲ್​ ಗೆ ಎಂಟ್ರಿ ಕೊಟ್ಟಿದ್ದ ಸಿಂಧು ಅಭಿಮಾನಿಗಳಲ್ಲಿ ನಿರಾಸೆ ಮೂಡಿಸಿದ್ದಾರೆ.